Aurtengo ikasturte bukaera desberdina izan da, zergatik? Gure Modesto, hemen 10 urte egon ondoren, bertze eskola batera joaten delako. Hala ere berriro ikusiko dugu ez baita urrun joanen, Oronozko eskolara daie ta.

Besta polite izan zen, lehenik bertsolaritza saioak kurtsoan zehar eman dituztenek, bertso antzerki bat eskeini ziguten eta arras polita suertatu zen. Gero ttikiek beraien antzerki saioa egin zuten eta azkenik haundien gelakoek ere berea.

Musika saioa ere eduki genuen eta instrumento desberdinak aitzeko aukera ere gure ikasleen eskutik, saxofoia, akordeoia, trikitixak eta panderoa denek arras ongi jo zutelarik.

Denak alai, denak kontent eta Modestori sorpresa eman genion, bere gelako haundiek bertso bat prestatu eta kantatu zioten, arras hunkigarria izan zelarik.

Gero bere ttikiek ere olerki bana eskeini zioten eta arras politak gainera.

Azkenik eskolako ttikiek ere bertso bat kantatu zioten eta gero Erratzuko eskolako bere ikasle eta ikasle ohien aldetik opari batzuk hartu zituen.

Hunkigarria eta polita izan zen gure aurtengo kurtso akabailako besta. Ikusi arte Modesto!!!!!!!!!!!!!!!!

     Ingelera klaseetan bosgarren eta seigarren mailako ikasleek atzerriko ikasleekin gutunak idazten hasi dira aurten. Lehen harremanak Polonian kokatuta dagoen eskola batekin izan ditugu. Irakasleek harremanetan jarri ondoren ikasleek gutunak idatzi dituzte eta korreo elektronikoa ari dira erabiltzen gutun horiek igortzeko.

     Brasilitiko eskola batetik ere jaso ditugu e-mailak eta orain gure ikasleek erantzunak prestatzen hasiak dira. Japonetik ere idatzi digute, baina posta arruntaz eta oraindik ez ditugu jaso gutunak. Badirudi posta zerbitzua arras geldoa dela japoniatik gure Erratzura bidea aurkitzen.

     Mundu guztiko hainbat eskolek azaldu dute beren gogoa gure ikasleekin harremanetan jartzeko. Baina askori ezezkoa eman behar izan diegu zeren eta kurtsoa laster akitzen da eta ez dugu denborarik denekin harremanetan jartzeko.

       Orain, bigarren urrats bezala, Erratzuko ikasleek gure herriaren eta eskolaren aurkezpen bat prestatuko dute ingeleraz blog honetan sartzeko. Horrela, gure herria eta eskola ezagutzeko aukera ematen diogu mundu zabal honetan dagoen jende guztiari.